Mündəricat

Piezo rinoplastika əməliyyatı

Piezo rinoplastika nədir?

Piezo rinoplastika – burun sümükləri ilə işləmək üçün ultrasəs piezo aparatının yardımı ilə icra edilən rinoplastikadır. Bu aparat yumşaq toxuma, damar və sinirləri zədələmədən burun düzəltməyə imkan verir. Burun kürəyinin qığırdaq hissəsinin zədələnməsini istisna edir. Əməliyyat ümumi anesteziya altında keçirilir. Təxminən 3 saat davam edir.

Rinoplastika faktiki olaraq bütövlükdə üzdə harmoniya yaratmaq, öz xarici görünüşü ilə əlaqədar psixoloji diskomfortdan qurtulmaq imkanı verir. Özünəinam hissini gücləndirir.

Piezo aparat istifadəsi rinoplastikada əməliyyat risklərini azaltmağa, şişkinlik, hematomaları minimuma endirməklə reabilitasiya dövrünü xeyli qısaltmağa imkan verir. Kəski və çəkic tarixə döndü.

Göstərişlər

burun deformasiyaları;
müxtəlif ölçülərdə burun donqarlığı;
asimmetriya;
burun kürəyinin aşağı olması (asiya burnu) ;
burun dəliklərinin həddindən artıq iri olması;
irəli çıxmış kolumella.

Əks göstərişlər

iltihablaşmış KBB xəstəlikləri;
aktiv fazalı herpes;
dekompensasiya olunmuş şəkərli diabet;
qan laxtalanma pozuntuları;
menstruasiya;
ürək-damar sistemi xəstəlikləri, ürəyin işemik xəstəliyi, ürək çatışmazlığı;
qaraciyər və böyrək xəstəlikləri;
planlaşdırılan cərrahi müdaxilə nahiyəsində follikulit;
kəskin viral xəstəliklər;
onkoloji xəstəliklər.

Reabilitasiya

Piezo rinoplastikada bərpa dövrü 6 aydan 1 ilə qədər davam edə bilər. Bu müddətdə aşağıdakılardan çəkinmək məsləhət görülür:

Qaçmaq və digər ağır fiziki fəaliyyətlə məşğul olmaq.
Üzmək.
Həddindən artıq çeynəmək.
Gülmək və ya digər hərəkətli mimikalar.
Eynək taxmaq.
Sərt diş fırçalamaq.
Sauna və buxar hamamından istifadə etmək.

Piezo rinoplastika