Mündəricat

• Qabırğa çıxarmadan bel incəltmə əməliyyatı
• Dərin Plan üz gərmə (Facelift) Əməliyyatından Sonra İzin Görünməsi
• Morpheus8 Mikroiynə və Radiofrekans – Əməliyyatsız Gözəllik
• Kesselring Dodaq Əməliyyatı
• Qoruyucu Dərin plan üz gərmə – Təbii və Uzunömürlü Gəncləşmə
• Azərbaycan Plastik Cərrahiyyəsi Dünyaya İxrac Olunur: Dr. Mubariz Məmmədli-nin Beynəlxalq Konqresdə Təqdimatı
• Azərbaycanlı estetik cərrah Mübariz Məmmədli beynəlxalq səviyyədə uğur qazandı
• Niyə Platisma Bu Qədər Vacibdir?
• Həqiqətən də, hər bir plastik cərrah ən azı bir dəfə “Siz mənim üzümü kifayət qədər dartmamısınız”

Ən çox plastik əməliyyat icra olunan 8 ölkə

Keçirilən plastik əməliyyatların göstəriciləri

Hər il plastik cərrahlar dünyanın müxtəlif ölkələrində 11 000 000-dan çox plastik əməliyyat həyata keçirirlər. Beynəlxalq Estetik-Plastik Cərrahiyyə Cəmiyyətinin göstəricilərinə görə, 2019-cu ildə keçirilmiş əməliyyatlar üzrə lider ölkələri aşağıdakı ardıcıllıqla sıralamaq mümkündür:

1. Braziliya – 1 500 000 plastik əməliyyat

2. ABŞ – 1 400 000 plastik əməliyyat

3. Meksika  – 581 000 plastik əməliyyat

4. Rusiya  – 483 000 plastik əməliyyat

5.  Hindistan  – 395 000 plastik əməliyyat

6. Türkiyə  – 352 000 plastik əməliyyat

7. Almaniya – 336 000 plastik əməliyyat

8. İtaliya  – 314 000 plastik əməliyyat

Məruzədə həmçinin qeyd olunur ki, əməliyyatların sayı ötən ilə nisbətən 7,1 %, 2015-ci ilə nisbətən isə 20 % artmışdır.

Ən çox plastik cərrahı olan ölkələr

Yuxarıda sadalanan ölkələrdə çalışan plastik cərrahların sayına görə ABŞ (6900) və Braziliya (6000) liderlik edir. İlk beşlikdə həmçinin Çin, Yaponiya və Cənubi Koreya da (hər birində 2500-dən 3000-ə qədər plastik cərrah) vardır. Bu ölkələrdə aparılan əməliyyatların sayı barədə təşkilatın məlumatı yoxdur.

Ən çox icra olunan plastik əməliyyatlar

Dünyada ən çox yayılmış plastik əməliyyat sinə böyütmə əməliyyatıdır. Əməliyyatların ümumi sayının 15,8 %-i sinə böyütmə əməliyyatının payına düşür. Liposaksiya (15 %), blefaroplastika (11,1 %) və abdominoplastika (8,1 %)  əməliyyatları isə daha az populyardır.

Kişilərdə ən populyar cərrahi plastik əməliyyat ginekomastiya əməliyyatıdır. Güclü cinsin nümayəndələri arasında bu əməliyyatın payına əməliyyatların 17,9 %-i düşməkdədir.